Шоумен Абай Асылхан актриса Жанель Мақажанмен ерлі-зайыптылық қарым-қатынасының аяқталғанын мәлімдеді, деп хабарлайды SN.kz ақпарат порталы.
Ол Instagram парақшасында жариялаған жазбасында екеуінің бес жыл бірге өмір сүргенін айтып, бұл шешімге сырттан ешкім араласпағанын жеткізді.
«Иә, Жанель екеуміздің ерлі-зайыптылық қарым-қатынасымыз аяқталды. Біз бірге бес жыл өмір сүрдік. Бұл кезеңде қуанышты сәттер де, қиындықтар да болды. Мен үшін бұл шешім өте қиын болды. Бұл екеуміздің бірдей шешіміміз болды, сырттан ешкім араласпады», — деп жазды шоумен.
Абай Асылхан жеке қарым-қатынасының егжей-тегжейін көпшілікке жариялауды жөн көрмейтінін де атап өтті.
«Оған амандық пен жақсылық тілеймін. Ол — балаларымыздың анасы, сондықтан өзара құрметті сақтауды маңызды деп санаймын», — деді ол.
Шоуменнің айтуынша, некеге қатысты құқықтық мәселелер заң аясында шешіліп жатыр. Ол бұл үдерістің сабырмен, өзара құрметпен және артық жариялылықсыз аяқталғанын қалайды.
«Балаларымның алдындағы әкелік жауапкершілігімді әрі қарай да атқара беремін», — деп жазды Абай Асылхан.
Дереккөз: Skif News · Марина Ахметжанқызы
