Ауқымды жоба қала орталығын теміржолдың арғы бөлігіндегі шағын аудандармен қосады , деп хабарлайды 24kz.

Абай даңғылында салынатын көпірдің ұзындығы бір шақырымға жуық. Төрт жолақты өткел тәулігіне 80 мың көлік өткізуге қауқарлы. Нысанда жаяу жүргіншілер жолағы мен мүмкіндігі шектеулі жандарға арналған лифт болады. Жоба құны – 18 миллиард теңге. Құрылысқа қажетті қаржының 90%-і республикалық бюджеттен, қалғаны жергілікті қазынадан бөлінеді. Көпір салынатын жерде 60 нысан мемлекет қажеттілігі үшін сатып алынып, сүріледі.

Бақытжан Орынбеков, қала әкімі:

- Бірінші кезең жұмыстары ертеңнен басталады. Бұл үйлерді сүру мынау жер асты жүйелерін ауыстыру. Өйткені жолдың астында орналасқан бәрі. Ол жылу құбырлары, су құбырлары, газ құбырлары, бұның барлығы қазір жерден шығарып ауыстыруымыз керек. Бұл бірінші кезеңі жобаның.