Жоғарғы Сот Төрағасы Асламбек Мерғалиев Солтүстік Қазақстан облысының сот корпусына облыстық соттың жаңа төрағасы Серікжан Ғабдулинді таныстырды, деп жазады Egemen.kz.

Іс-шараға облыс әкімінің бірінші орынбасары Марат Тасмағанбетов, судьялар, облыстың құқық қорғау органдарының бірінші басшылары және Сот әкімшілігі департаментінің өкілдері қатысты.

А.Мерғалиев С.Ғабдулиннің 25 жылдық судьялық өтілін, оның 17 жылын бірінші сатыдағы соттарда атқарғанын атап өтті.

Төраға С.Ғабдулиннің кәсіби біліктілігін, сот жүйесіндегі көп жылғы тәжірибесі мен беделін сот төрелігін жүзеге асыру сапасын қамтамасыз етуге, заң үстемдігін нығайтуға және сотқа деген сенімді арттыруға жұмсайтынына сенім білдірді.

Солтүстік Қазақстан облыстық сотының төрағасы болып тағайындалған Серікжан Жәлелұлы Ғабдулин 1970 жылы Түмен облысында (Ресей Федерациясы) дүниеге келген.

1996 жылы Омбы мемлекеттік университетінің заң факультетін бітірген.

1993-1999 жылдары ішкі істер және прокуратура органдарында қызмет етткен.

1999 — 2013 жылдары – Петропавл қалалық сотының судьясы, төрағасы болған.

2013–2016 жылдары – Солтүстік Қазақстан облысы Аққайың аудандық сотының төрағасы, 2016–2020 жылдары – Солтүстік Қазақстан облыстық сотының судьясы қызметін атқарған.

2020 жылдан осы қызметке тағайындалғанға дейін Ақмола облыстық сотының азаматтық істер жөніндегі сот алқасының төрағасы лауазымында болған.