0:00:00

Жаңалықтарды Telegram арнамыздан оқыңыз!

Жыл сайын Құрылтайдың мәні артып, мазмұны кеңейіп келеді. Палата Бюросының отырысында Сенат төрағасы осылай деді. Мәулен Әшімбаев Ұлттық құрылтайда Президент ұсынған «Әділетті, Қауіпсіз, Таза және Қуатты Қазақстан» құру идеясын заңнамалық тұрғыда қолдаудың маңызын атап өтті. Сондай-ақ құрылтайда өзекті мәселелер ашық талқыланып, заңнамалық өзгерістердің бағыттары айқындалғанын айтты.

Бұдан бөлек жиында экстремизм мен терроризмге қарсы іс-қимыл, сондай-ақ ойын бизнесі мен лотереяға қатысты қабылданған заңнамалық өзгерістер талқыланды.

Мәулен Әшімбаев, ҚР Парламенті Сенатының төрағасы:

Өткен аптада қастерлі Бурабай баурайында Ұлттық құрылтайдың төртінші отырысы өтті. Жиын барысында қоғамды алаңдатып отырған өзекті мәселелер ашық талқыланып, сындарлы пікірлер айтылды. Сонымен қатар Парламент қабылдауға тиіс заңнамалық өзгерістердің бағыттары айқындалды. Біздің алдымызда тұрған міндет – осы іргелі істерді жүйелі түрде жүзеге асыру үшін тиісті заңнамалық базаны қалыптастыру.

Серік Жұмабек