Мемлекет басшысы Қасым-Жомарт Тоқаев АҚШ Конгресі Өкілдер палатасының мүшесі Кэрол Миллерді қабылдады, деп хабарлайды 24kz.

Президент бұл кездесудің екі мемлекет арасындағы ынтымақтастыққа тың серпін беру тұрғысынан маңызы зор екеніне назар аударды. Сондай-ақ тәуелсіздік алған сәттен бастап АҚШ Қазақстанның сенімді серіктесі саналатанын жеткізді. Өңірлік және халықаралық қауіпсіздікті қамтамасыз ету, ядролық қаруды таратпау секілді негізгі салалардағы, сондай-ақ сауда-экономикалық, инвестициялық ықпалдастықтағы бірлескен табыстарды атап өтті. Екі ел арасындағы тауар айналымы тұрақты түрде өсіп, 4 миллиард доллардан асқан. Өз кезегінде Кэрол Миллер сый-құрмет көрсеткені үшін Қазақстан Президентіне алғыс айтып, АҚШ-тың нәтижелі диалогты жалғастыруға мүдделі екенін жеткізді. Әңгімелесу барысында энергетикалық және инфрақұрылымдық жобаларды жүзеге асыру талқыланды. Цифрлық технологиялар мен жасанды интеллектіні дамыту, сондай-ақ мемлекеттер арасындағы көлік-логистика байланыстарын кеңейтуге де айрықша мән берілді.