0:00:00

Жаңалықтарды Telegram арнамыздан оқыңыз!

Қазақстан мен Өзбекстан арасындағы байланысты дамыта түсу үшін жасалған маңызды қадам. Хиуада екі ел Сыртқы істер министрлері кеңесінің алғашқы отырысы өтті. Жиын туралы әріптесім Альбина Әшім тікелей эфирде баяндауға дайын. Альбина…

Альбина Әшім, тілші:

Сыртқы істер министрлері кеңесінің отырысы алғаш рет өтті. Бірінші кездесудің нәтижесі бойынша тараптар арнайы хаттамаға қол қойды. Маңызды кездесу үшін тарихи қала Хиуаның таңдалуы кездейсоқ емес. Екі елдің терең байланысының мәнін ашады. Өзбекстан үшін Қазақстанмен экономикалық байланыс аса маңызды. Біздің ел Қытай мен Ресейден кейін ең ірі инвесторлардың үштігін түйіндейді. Екі елдің сауда айналымы былтыр 4 млрд доллардан асты. Алыс-берісті алдағы уақытта 10 млрд долларға жеткізу мақсаты тұр. Алғашқы отырыста тараптар байланысты дамытудың стратегиялық бағытына басымдық беріп, жаңа жобаларды көбейтуге уағдаласты.

Иран Шархан, ҚР Өнеркәсіп және құрылыс министрінің орынбасары:

Тарихи-мәдени байланысқа келсек. Қос елдің Сыртқы істер министрлері Хиуаның тарихи орталығы Ичан-каланы аралады. Жалпы, шаһарда 60 архитектуралық ескерткіш бар. 400 жылдай Хиуа хандығының астанасы болған тарихи қалаға туристердің қызығушылығы үлкен. Күніне 600-800 турист келеді екен. Соңғы уақытта Өзбекстан бағытын қазақстандықтар да жиі таңдайды. Қос ел Сыртқы істер министрлері туризм бағытын да дамыта түсуге уағдаласты. Келесі отырыс жоспар бойынша Қазақстанда тамызда өтуі тиіс. Ыстық ықыласымен қарсы алған Хиуадан жеткізер жаңалығым осы. Мұнда кешелі бері ауа райы плюс отыз градус болып тұр.

Альбина Әшім