0:00:00

Жаңалықтарды Telegram арнамыздан оқыңыз!

Ақтауда көшелерді тазалап, абаттандыру жұмыстары күшейтілген режимде жүргізіліп жатыр. «Ақтау-Түркі әлемінің мәдени астанасы» халықаралық шарасының ашылу салтанатына түркі мемлекеттерден шамамен 3 мыңдай қонақ келеді деп күтілуде. Соған орай, қалада теңіз жағалауынан бастап, орталық көшелерді тазалау, қираған, сырылған жерлерді жөндеу жұмыстары қарқынды түрде жүргізілуде. Оған қоса, көлік жолдардың жолақтарын сырлау, жарық бағаналарының шамдарын ауыстыру және жуу жұмыстары атқарылуда. Оларға 400 ге жуық адам жұмылдырылған.

Айдар Бисенов, Ақтау қалалық тұрғын-үй коммуналдық шаруашылығы бөлімінің сектор меңгерушісі:

Коммуналдық мекеме тарапынан санитарлық жұмыстар күшейтілген режимде жүргізілуде. Бұл жұмыстар қазір қала мен әуежай тас жолында жүргізіліп жатыр. Сонымен қатар автомобиль жолдарында шұңқырды жөндеу жұмыстары және жаңбырдың, қардың кесірінен пайда болған құмдарды тазалау жұмыстары жүргізіліп жатыр.

Аягөз Оралбайқызы