Канада АҚШ-қа қарымта тариф әзірлеп жатыр, деп хабарлайды 24kz.

Дональд Трамп 4 маусымнан бастап елге импортталатын болат пен алюминийге баж салығын 25%-тен 50%-ке дейін көтеріп жіберген еді. Бірақ бұл ресми Оттава үшін тиімсіз. Өйткені АҚШ-қа жеткізілетін алюминийдің тең жартысы және болаттың төрттен бірі Канадада өндіріледі. Енді тарифтің көтерілуінен канадалық компаниялар зор шығынға батуы мүмкін. Сондықтан қазір екі елдің өкілдері сауда келіссөздерін жүргізіп жатыр. Олар сәтсіз аяқталса, Оттава қарымта тарифті енгізуге мәжбүр болатынын айтады.