Дәл қазір Будапеште дзюдодан әлем чемпионаты өтіп жатыр. Жарыстың бірінші күнінде ерлер 60 келіге дейінгі, әйелдер 48 келіге дейінгі салмақта жүлдеге таласады. Қазақстан сапынан төрт спортшы күресіп жатыр. Өкінішке қарай Ғалия Тынбаева алғашқы жекпе-жегінде әлемдік рейтингте 27 орында тұрған Нидерланды өкілінен жеңіліп қалды. Соңғы секундта қарсыласынан вазари ұпайымен есе жіберді. Ал Абиба Абужақынова бәсекені екінші айналымнан бастады. Қарсыласы жеке бейтарап спортшыны юко ұпайымен голден скорда жеңді. Абиба ширек финалдың жолдамасы үшін Бельгия өкілімен белдеседі. Ерлерден Мағжан Шамшадин бірінші белдесуінде АҚШ спортшысының голден скорда, шидо ескерту санымен жеңсе, кейінгі айналымда әлемдік рейтингте 9-орында тұрған Олимпиаданың қола жүлдегері, 2023 жылғы әлем чемпионы Франциско Гарригосты небәрі 7 секунда жеңді. Енді жерлесіміз ширек финалдың жолдамасын бельгиялық спортшымен сарапқа салады. Айтпақшы жарысқа командаластарына қолдау мақсатында Париж Олимпиадасының чемпионы Елдос Сметов отбасымен бірге барған.

Асылбек Данияр