«Жібек пен Жібек жолы: Қытайдан Қазақстанға». Осындай атаумен елордада жібек өнеріне арналған халықаралық көрме өтіп жатыр.

Шара екі ел арасындағы Туризм жылы шеңберінде ұйымдастырылды. Ұлттық музейге 150-ге жуық экспонат қойылды. Экспозицияда ежелгі жібек маталардың түпнұсқалары мен көшірмелері, сондай-ақ заманауи сәндік өнер туындыларын көруге болады. Көрме 8 тамызға дейін жалғасады.

Майра Тұрсынқызы, экскурсия жүргізушісі:

- Цинь империясының императорының балалары ханзадасы киген жібек шапан – айдаһар шапанды көре аласыздар. Ол шапан түпнұсқада ұсынылған.

Нұрбол Байжанов, ҚР Туризм және спорт министрлігі комитетінің басқарма басшысы:

- Өткен жылы 37 іс-шара өткіздік. Осының арқасында былтыр Қытайдан 655 мың турист келді. Алдыңғы жылмен салыстырғанда екі есе артып отыр. 2023 жылы 367 мың турист келген болатын. Биыл осы көрсеткішті одан да асыруға тырысамыз.