Бүгін Сенат депутаттары Жоғарғы сот судьялары Герман Нұрбаев пен Досжан Әміровті қызметінен босатты, — деп хабарлайды Massaget.kz тілшісі.

Сенаттың жалпы отырысында Жоғарғы сот кеңесінің төрағасы Дмитрий Малахов Мемлекет басшысының Жоғарғы сот судьялары Герман Нұрбаев пен Досжан Әміровті қызметінен босату туралы ұсынысын қарауға енгізді.

"Досжан Сарманқұлұлы — судьялар қауымында құрметке ие, Қазақстан судьялар кеңесінің төрағасы. Ал Жоғарғы соттың тағы бір судьясы Герман Каримұлы Нұрбаев Тәуелсіз Мемлекеттер Достастығы Экономикалық соты пленумының 2025 жылғы 10 маусымдағы қаулысымен Тәуелсіз Мемлекеттер Достастығы Экономикалық сотының төрағасы болып сайланды", — деді Дмитрий Малахов.

Сенат депутаттары судьяларды қызметінен босатуды бірауыздан қолдады.

Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!