0:00:00

Жаңалықтарды Telegram арнамыздан оқыңыз!

Елімізде бұған дейін тек қолдан жасалатын бұйымдарды енді өндірістік деңгейге жеткізу керек. Сонда ғана өзге елдің нарығына шығып, бәсекеге төтеп беруге болады. Ал қолөнер шеберлерінің бұған әлеуеті әбден жетеді. Қажетті шикізат та бар. 8 наурыз мерекесіне орай Өскеменде алғаш рет «Ғасырлық дәстүрлер» деген атпен республикалық фестиваль өтті.

Далада жатқан сол қой мен түйенің жүнін қалдағы халыққа дүние жасап ұсыну — үлкен еңбек. Нарықтағы сұранысты білу қажет. Ақтөбелік шебер — Рәбиға Есболатова жүннен түрлі бұйым жасайды. Өнердің бұл түрін қола алғанына үш-ақ жыл болса да қазір кәсіптен нәсіп тауып отыр.

Рәбиға Есболатова, қолөнер шебері:

Біз осы қойдың жүнін өндірсек, бізден бай адам болмайды. Бізде қаншама әйел адамдар жұмыспен қамтылады. Сол жүндерден мынадай дүние жасауға болады дегенді көрсеткім келді. Менің мақсатым сонда.

Мақсат мықты болса, алынбайтын қамал жоқ. Алайда қазір қолөнер шеберлерінің басын қосатын арнайы одақ та жоқ. Оған қарамастан әркім өз кәсібін өзінше дамытып жатыр. Қатты қарқын алып кетпесе де соңғы жылдары қолданбалы өнерге сұраныс өте жоғары. Тараздық шебер — Саодат Шәріпова осы қолөнерден дертіне шипа тапқан. Киізден текемет басып, тоқыманың сан түрін тоқып, алқа-моншақты да қолдан тізеді.

Саодат Шәріпова, қолөнер шебері:

Мен ауырып қалдым. Орнымнан тұра алмай. Сол қолөнермен айналысқан уақытыңда ауру екінші орынға кетеді. Жұмыс істеген кезде жүннің пайдасы көп. Сонымен жүріп кеттім. Сол жүріп кеткеннен кейін қолөнерші болдым.

Сәндік-қолданбалы өнер бұйымдарын жасайтын шеберлер қазір заманауи дизайнға көшіп жатыр. Өйткені нарық табалы солай. Ұлттық нақышпен үйлесім тапқан киімді күнделікті кию сәнге айналып кетті.

Тарбия Айдынбаева, дизайнер

Әрдайым әр киімді жасаған кезде әрбір шебер ойлану керек. Осы дүниені пайдаланаған кезде ол қаншалықты шыдамды болса, соншалықты қолданысқа ыңғайлы. Біз сол дүние арқылы жұмыс істейтін болсақ, заманауи дүние шығарамыз.

Астана мен Аламты және сегіз облыстан бас қосқан шеберлер фестиваль барысында өзара тәжірибе алмасып, осы саланы дамыту жолдарын да талқылады. Жұмысшы мамандығы жылы аясында өткен шара енді шығыста жыл сайын өткізіліп тұрмақ. Ал фестиваль соңында жүлдегрлер марапатталды.

Олжас Керейхан