Маңғыстаудың Мұнайлы ауданында 150 орындық заманауи медициналық орталық ашылды. Көпсалалы аурухана жұқпалы аурулар бөлімі, балалар бөлімшесі, терапия, босану блогы және бірнеше операциялық бөлмелерден тұрады. Жуырда ғана пайдалануға берілген медициналық орталықтың жұмысын өңірге барған Мәжіліс депутаттары Асхат Аймағамбетов пен Еділ Жаңбыршин арнайы көрді. Айта кетейік, Мұнайлы ауданында 200 мыңға жуық халық тұрады. Олар бұған дейін Ақтау қаласындағы облыстық аурухаға жүгінетін.

Марал Сариева, Мұнайлы ауданының тұрғыны:

Осы жерде оңалту орталығында ем алып бастадым. Бөлімше өте қатты ұнады. Біріншіден, бұл жерде ЛФК залы, қалыпқа келтіруге арналған әр түрлі тренажерлар бар. Физио емдеудің аппараттарының түрлері өте көп. Мен айтар едім, облыста теңдесі жоқ реабилитациялық орталық деп, өйткені мен басқа орталықтар да болып көрдім.

Еділ Жаңбыршин, ҚР Парламенті Мәжілісінің депутаты:

Бұл Аманат партиясының бағдарламасына енген жоба еді. Сондықтан партия тарапынан келген сайын осының құрылысын қарап, қолымыздан келген көмегімізді жасадық. Әрине бұл бірінші кезекте тұрғындар үшін керек болды. Қуантып отырғаны, тіпті Астанада да жоқ кейбір бізде осы жағдайлар пациенттерге жасақталған.

Аягөз Оралбайқызы