Бас прокуратура Сыбайлас жемқорлыққа қарсы іс-қимыл ұлттық бюросының бұрынғы басшысы Талғат Татубаевқа және Бас прокуратураның Тергеу департаменті басшысының бұрынғы орынбасары Олеся Кексельге қатысты істі тергеу барысы туралы айтты, — деп хабарлайды Massaget.kz тілшісі.

Ресми мәліметтер бойынша Талғат Татубаев 2025 жылы шілдеде азаптау ісі бойынша күдікпен ұсталды. Олеся Кексель де осындай әрекет жасады деген күдікке ілінген.

Татубаев пен Кексельге қатысты тергеу басталғаны туралы хабарламалар жарияланғаннан бері бір айдан аса уақыт өтті. Tengrinews.kz Бас прокуратураға ресми сауал жолдаған. Алайда жауапта бір ай бұрынғы ақпарат ғана қамтылған:

"Соталды тергеу жалғасып, қосымша дәлел жинауға бағытталған тергеу әрекеттері жүргізіліп жатыр".

Еске салайық, бұған дейін Сыбайлас жемқорлыққа қарсы іс-қимыл ұлттық бюросының бұрынғы басшысы Талғат Татубаев ұсталғаны хабарланды.

Аптаның басты оқиғалары мен пайдалы видеоларды көру үшін YouTube арнамызға жазылыңыз