0:00:00

Жаңалықтарды Telegram арнамыздан оқыңыз!

Бүгін Алматыда Шымбұлақ тау-курортында қар көшкіні жүрді. Оқиға таңғы сағат 10-дар шамасында болған. Демалыс аймағы әкімшілігінің айтуынша, 3 турист «қауіпті», «жабық» деген ескерту белгілерін елемей, арнайы қоршауды бұзып, сырғанау жолынан тыс жерде шаңғы тепкен. Осы кезде шамамен 3500 текше метр қар құлаған. Курорттық қауіпсіздік қызметі шұғыл туристтерді іздеуге шықты. Қауіпті болғандықтан бірқатар шаңғы трассасы уақытша жабылды.

Андрей Шубков, «Шымбұлақ» тау-шаңғы курорты операциялық бөлім бастығының орынбасары:

Қазір ережені ескермей, қауіпті аймаққа еніп кеткен 3 шаңғышының екеуі табылды. Оқиғаның мән-жайы анықталып жатыр. Шымбұлақ әкімшілігі демалушыларды қауіпсіздік ережелерін сақтауға және ескерту белгілеріне мән беруге үндейді.

«Ақбұлақ» тау-шаңғы курортында да қар көшкіні жүрді

Сондай-ақ Алматы облысындағы «Ақбұлақ» тау-шаңғы курортында да қар көшкіні жүрді. 2664 м биіктікте көлемі 300 текше метр болатын қар өздігінен құлаған. Төтенше жағдайлар департаменті қар көшкіні қаупі сақталатынын ескертеді.

Ернұр Медет