Көктем келісімен табиғат оянып, ағаштар бүршік атып, гүлдер гүлдей бастайды. Алайда, көктемді тек қуанышты мезгіл деп айта алмаймыз – аллергиясы бар жандар үшін бұл қиын кезең болуы мүмкін. Себебі ағза ауада ұшқан тозаңға, шаңға және басқа да аллергендерге реакция береді. Massaget.kz тілшісі көктемгі аллергиядан зардап шегетіндерге арналған кеңестерді оқырман назарына ұсынады .

Аллергендерден мүмкіндігінше аулақ болыңыз

– Таңертең және желді күндері сыртқа шығудан аулақ болыңыз, себебі дәл осы уақытта ауада тозаң көп болады.

– Үйге кірген соң бетіңізді, қолыңызды, тіпті шашыңызды жақсылап жуыңыз. Киіміңізді де ауыстырған жөн.

– Терезелерді күні бойы ашық қалдырмаңыз. Үйге шаң мен тозаң кірмеуі үшін ауа тазартқыш (очиститель воздуха) қолдану пайдалы.

Дұрыс тамақтаныңыз

– Кейбір тағамдар аллергия белгілерін күшейтуі мүмкін. Мысалы, тозаңға аллергиясы бар адамдарға бал, жаңғақ, кейбір жемістер (алма, шабдалы) кері әсер етуі мүмкін.

– Керісінше, омега-3 май қышқылдарына бай өнімдер (балық, жаңғақ), С дәрумені бар жемістер (апельсин, лимон) иммунитетті нығайтып, аллергия белгілерін азайтуға көмектеседі.

Үйді таза ұстаңыз

– Жиһаз бен еденді жиі сүртіп, тозаң мен шаңның жиналуына жол бермеңіз.

– Киім мен төсек-орынды аптасына кемінде екі рет жуып тұрыңыз.

– Егер үйде мысық немесе ит болса, оларды жиі жуындырып, сырттан келгеннен кейін жүнін тазалаңыз.

Аллергологқа қаралыңыз

Егер көктемгі аллергия жылдан жылға күшейіп бара жатса, аллерголог маманға қаралып, арнайы тест тапсыру керек. Дәрігер сізге қандай аллергендерден сақтану керектігін және қандай дәрілер көмектесетінін нақты айта алады.

Табиғи ем-дом тәсілдерін қолданып көріңіз

– Тұзды сумен мұрын шаю – мұрын жолдарын тазартып, тыныс алуды жеңілдетеді.

– Зімбір (имбирь) шайы – қабынуға қарсы әсері бар.

– Бал мен лимон қосылған шай – иммунитетті нығайтып, аллергия белгілерін азайтады.

Көктемгі аллергия – жағымсыз құбылыс, бірақ оны бақылауда ұстауға болады. Ең бастысы – алдын алу шараларын сақтау және ағзаңызды дұрыс күту. Денсаулығыңыз мықты болсын!

Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!