Мәдениет және ақпарат министрі Аида Балаева танымал театр қайраткері Александр Совостьяновты «Астана Опера» театрының директоры лауазымына тағайындады, деп хабарлайды Egemen.kz.

Театрдың баспасөз қызметі Александр Совостьяновтың есімі театр тарихымен тығыз байланысты екенін атап өтті.

2013 жылы «Астана Опера» театры құрылғанда ол оның бастауында болып, директордың орынбасары қызметін атқарған. Одан кейінгі жылдары «Астана Балет» театрын табысты басқарып, оның халықаралық аренадағы орнын нығайтуға үлес қосқан. Өнер және медиа саласындағы басқару тәжірибесінің арқасында ол өзін білікті басшы әрі стратег ретінде көрсеткен.

Александр Совостьянов театр репертуарын кеңейтуге және халықаралық ынтымақтастықты ұлғайтуға айрықша көңіл бөліп, «Астана Операның» дәстүрлерін дамытуды жалғастыратынын айрықша атап өтті. Сондай-ақ ол жас дарындарды қолдау және көрермендер аудиториясын кеңейту жұмыстың басым бағыттарының бірі болатынына назар аударды.

Александр Совостьянов 2013 жылдан 2019 жылға дейін «Астана Опера» мемлекеттік опера және балет театрында директордың байланыс және маркетинг жөніндегі орынбасары қызметін атқарған.

2019 жылы «Астана Балет» театрының директоры болып тағайындалып, онда алты жыл еңбек еткен.

Медиа-индустрияда қызмет еткен.