0:00:00

Жаңалықтарды Telegram арнамыздан оқыңыз !

Түркістанда тапсырыспен фаст-фуд тағамдарын алдырған 57 адам астан уланып қалды. Күні кеше қаладағы «Ямми Маки» дәмханасынан жеткізілген пицца, чикен және сушиді жеген тұрғындардың жағдайлары күрт нашарлап, жаппай орталық ауруханаға түскен. Олардың үшеуі жансақтау бөліміне жатқызылса, өзгелері жұқпалы аурулар бөлімшесіне жатқызылды. Араларында кәмелет жасына толмаған 28 бала да бар. Оларға бактериялық астан улану диагнозы қойылған. Осы жағдайдан кейін Түркістан қаласының полиция басқармасы аталған дәмхананы мөрлеп, жауып тастады. Адамдардың жаппай улану фактісі бойынша қылмыстық іс қозғалып, тергеу жүргізілуде. Ондағы қызметкерлердің медициналық кітапшалары болмай шықты. Кейбірінде мерзімі өткені анықталды. Бірқатар сараптамалар тағайындалды. Ал жағдайы біршама жақсарған науқастар үйіне қайтарылды.

Мутабар Шерметова, Түркістан қалалық орталық ауруханасы жұқпалы аурулар бөлімшесінің меңгерушісі:

Бүгінгі таңға 22 науқас токсикалық тағамды инфекция диагнозымен емделіп жатыр. Оларға болжамды жағдай қойылған. Олардың барлығының жағдайлары қазіргі уақытқа қалыпты. 22 науқастың барлығы инфекциялық стационардың оқшауланған палаталарында ем алып жатыр.

Айнұр Әбілқасым