Мәжіліс депутаты Ринат Зайытов «сендер қозғайтын тақырып па» деп сын тағатындарға жауап берді, деп хабарлайды Skifnews.kz ақпарат порталы.

Қазақ үшін қашаннан да бері елдің аманаты мен сенімінен ауыр жүк жоқ. «Дөп» бассаң – ел үмітін ақтаған ерсің, «қалт» бассаң – жаудан бетер езсің! Кейде тіпті көтерген сұрағыңа орынсыз сын тағып, “Осы мәселе сендер қозғайтын тақырып па? Неге жоғарыдағылар ұсақ-түйек мәселелер қозғайды” деп жатады, — деді ол.

Зайытов бұл сынмен келіспейтінін айтып, себебін атады.

Өз басым бұл сынмен келіспеймін. Себебі біз – бір мемлекетпіз! Сондықтан ұсақ, ірі демей, әр мәселеге бірдей жұмылуымыз керек. Шалғайда жатқан бір ауылда кішкентай баланың тісі ауырса, оған Астанадағы министрдің жүрегі ауыру керек. Жұмыла көтерсек, жүгіміз жеңілдейді. – деп түсіндірді Ринат Зайытов.