Талдықорғанда классикалық шахматтан балалар арасында Қазақстан Республикасының кубогі басталды.

Үшінші жыл қатарынан ұйымдастылып отырған турнир зияткерлік спорттың дамуына сүбелі үлес қосқан Төлеуғазы Кәріпбаевты еске алуға арналды. Сайысқа еліміздің әр аймағынан және Тәжікстан ,Өзбекстан, Әзербайжан, Ресей мен Қырғыз Республикасынан келген 300-ге жуық ойыншы қатысып жатыр. Олар швейцариялық жүйе бойынша өзара үздіктерін анықтайды. Жеңімпаз атанған ұл-қыздар қаржылай сыйақымен марапатталады. Жалпы бұл жарыс Қостанай, Қызылорда, Ақтау, Павлодар және Алматы облысында өтетін алты кезеңнен тұрады. Финалдық кездесулер қараша айында Алматыда ұйымдастырылады.

Диас Аманбек, жарысқа қатысушы:

- Жарысқа мен күнде дайындалдым. Дебюттарымды қайталап, күніне 50 задача істеп, он партиядан ойнадым.

Асхат Шотаев, жарыс төрешісі:

- Кәріпбаев мемориалы биыл екінші рет өткізіліп тұрғанымен биылдан бастап ол Қазақстан кубогінің этабы ретінде ұйымдастырылып тұр. Ұйымдастырушыларға мың алғыс айтамыз. Мұндай жарыстардың жақсы жері жергілікті ойыншылардың шеберлігін шыңдау болып табылады.