0:00:00

Жаңалықтарды Telegram арнамыздан оқыңыз!

Алдағы 2-3 күнде елдің басым бөлігінде ауа райы тұрақсыз болады. «Қазгидромет» дауылды ескерту жариялады. Тіпті біршама өңірде көрсеткіш минусқа түспек. Мәселен, Павлодар, Петропавл, Оралда түнде қар мен жаңбыр жауып, артынша тұман күтіледі. Түркістан мен Қонаевта қатты жел, Ақтау, Тараз, Алматыда да жаңбыр жауады деп болжанып отыр. Сондай-ақ, Алматы облысында қар көшкінінен қауіп әлі де сейілген жоқ. Сондықтан мамандар тауға бармау керегін ескертеді. Бүгін ауа райының қолайсыздығынан 3 өңірде жол жабылды. «ҚазАвтожолдың» мәліметінше, Ақтөбе облысындағы Қандыағаш-Ырғыз автожолы, Қостанай облысындағы Қазақстан-Ресей шекарасындағы жол және Солтүстік Қазақстандағы Петропавл айналма жолын ашу үшін 300-ге жуық техника мен 500-ден аса маман жұмылдырылған.

Ақниет Балтанова