Қазақстанның оңтүстігінде 60-тан аса ауылда ішімдік сатылмайды , — деп хабарлайды Massaget.kz тілшісі.

"Облыс бойынша 61 ауыл (Дермене, Табысты, Жаңажол, Нұртас, Мәдениет және т.б.) ішімдік сатудан бас тартты. Бұл арақсыз ауылдар құқықбұзушылық пен қылмыстың алдын алуда маңызды рөл атқарады. Бұл ауылдарда кейінгі бірер жылда қылмыс тіркелмеген, тәртіп пен тыныштық орнаған. Осындай берекелі ауылдар өзгелерге үлгі болуға тиіс", — деді ПД бастығы Мұрат Қабденов.

Түркістан облысында 2024 жылы тіркелген қылмыстық құқықбұзушылық саны 3,2 пайызға төмендеген.

Ұрлық 38,7%-ға, мал ұрлығы 43,7%-ға азайған. Пәтер ұрлығын жасаған 8, алаяқтық қылмыстарын жасаған 23, мал ұрлаумен айналысқан 16 қылмыстық топ ұсталды.

Еске салайық, бұған дейін Қызылорда облысындағы 18 ауылда ішімдік сатылмайтыны хабарланды.

Өзекті жаңалықтарды өз уақытында оқу үшін Facebook парақшамызға жазылыңыз!