Халықаралық балаларды қорғау күніне орай Ақордаға барлық өңірден келген оқушылар қонақ болды. Қазақстан Республикасы Президентінің резиденциясына оқу озаттары, пән олимпиадаларының, республикалық және халықаралық байқаулардың жеңімпаздары, спорт сайыстарының жүлдегерлері, сондай-ақ батыл әрекетімен көзге түскен балалар келді.

Оқушылар Ақорданың орталық салтанатты холы мен ресми қабылдаулар өткізуге арналған залдарды, Мемлекет басшысының кітапханасын, сондай-ақ резиденция аумағындағы бақты аралап көрді. Сонымен қатар оқушыларға Президент атынан естелік сыйлықтар табысталды.

Аяна Тұрлыбекова, оқушы:

Бастапқыда бұл жаққа келетініме сенбедім. Атам да айтты, апам да айтты. Бірақ мен сенбедім. Пойызға мінер кезде ғана сендім. Ақордаға кіргенім — мен үшін үлкен мәртебе. Бұл күн маған зор қуаныш сыйлады.

Жансезім Пернелі, оқушы:

Менің көңіл күйім өте жақсы. Бүгінгі күн мен үшін ең қызықты күндердің бірі болды. Себебі мен Ақордаға кірдім. Сіздерге көп рақмет! Үйге барғанда Ақорданың ішіндегі көріністер туралы бәрін айтып беремін.

Оңғар Алпысбайұлы