Кардиолог Ирина Васильева қан қысымын дәрі-дәрмексіз де түсіруге болатынын айтты. Ол Telegram арнасында гипертониямен күресуге арналған төрт әдісті атады, — деп хабарлайды Massaget.kz тілшісі.

Ирина Васильеваның сөзінше, қан қысымын бақылау үшін салмақ тастау керек. Сондай-ақ, ішімдіктен толық бас тарту немесе оның мөлшерін азайту да маңызды.

Дәрігер аптасына бірнеше рет аэробикалық жаттығулар жасауға да кеңес берді. Жаттығу ұзақтығы күніне кемінде 30 минут болуы керек.

Қорытындылай келе, маман рационнан тұзды да азайтуға шақырды.

Еске салайық, бұған дейін Канададағы Ватерлоо университетінің профессоры Анита Лейтон қан қысымын төмендету үшін рационға бір жемісті қосу керек екенін айтты.

Профессор күнделікті мәзірге калийге бай бананды қосуды ұсынды. Сонымен қатар, бұл микроэлемент брокколи, авокадо, лосось және сояда кездеседі.

Instagram парақшамызға жазылып, ең қызықты ақпараттарды бірінші болып оқыңыз!