Қуандық Бишімбаевтің туған інісі Бақытжан Байжанов шартты түрде ерте босатылуы мүмкін. Бұл туралы оның қорғаушысы Ғазиз Ынтықбаев мәлімдеді, деп жазады Skifnews.kz ақпарат порталы.

Адвокаттың айтуынша, қазіргі таңда Байжановқа рақымшылық қолдану мүмкіндігі қарастырылып жатыр. Рақымшылық екі бағытта жүзеге асырылады: біріншісі – жазадан толық босату, екіншісі – жаза мерзімін қысқарту. Байжанов толық босатуға жатпайды, бірақ жаза мерзімін қысқарту талабына сай келеді.

“Заң бойынша, жазаның өтелмеген бөлігінің үштен бірі қысқартылады. Сонымен қатар, мерзімінен бұрын босату және жазаны жеңілдетілген режимге ауыстыру мүмкіндіктері бар. Осы талаптардың бәрі Бақытжан Байжановқа қатысты қолданылуы мүмкін” – деді Ынтықбаев.