БҚО бойынша Cыбайлас жемқорлыққа қарсы қызмет мемлекеттік сатып алу кезінде 1 млрд теңгенің тиімсіз жұмсалуына жол бермеді.

Қазақстан Республикасы Сыбайлас жемқорлыққа қарсы іс-қимыл агенттігінің Батыс Қазақстан облысы бойынша департаменті мемлекеттік сатып алу саласындағы ашықтық пен заңдылықты қамтамасыз ету бойынша жүйелі жұмысты жалғастыруда.

Сыбайлас жемқорлық құқық бұзушылықтар жасауға ықпал ететін себептер мен жағдайларды жоюға бағытталған алдын алу шараларына ерекше назар аударылады.

Департамент қызметінің басым бағыттарының бірі мемлекеттік сатып алулардың сыбайлас жемқорлыққа қарсы мониторингі, атап айтқанда, сатып алынатын тауарларға, жұмыстарға және көрсетілетін қызметтерге жоспарлы бағалардың жоғарылау жағдайларын анықтау болып табылады.

Мониторинг барысында мемлекеттік сатып алу порталында Х.Бөкеева атындағы Қазақ драма театрының ғимаратын күрделі жөндеуге жоспарланған 2,9 млрд теңге мөлшерінде асыра бағаланған смета анықталды.

Департаменттің ұсынысымен уәкілетті мемлекеттік орган аталған жобаны қайта қарап, тиісті өзгерістер енгізді, бұл бюджет қаражатының 980 млн теңгеден астам тиімсіз жұмсалуын болдырмауға мүмкіндік берді.

Батыс Қазақстан облысы әкімдігі ұсынған материал