Мәжілісте төменгі палатаның қызметін үздік насихаттаған журналистерге «Парламент сөзі» сыйлығы табысталды, деп хабарлайды 24kz.
БАҚ өкілдері арасындағы байқау 7 аталым бойынша өткен. Жыл сайын бақ сынайтындар қатары артып келеді. Биыл жүзден астам өтінім түскен. Үздіктерді әдеттегідей Мәжіліс төрағасы Ерлан Қошанов құттықтап, марапаттады. Сыйлық журналистердің кәсіби мерекесі қарсаңында табысталады. Биылғы «Парламент сөзі» иегерлерінің қатарында 24KZ телеарнасының ұжымы да бар.
Ерлан Қошанов, ҚР Парламенті Мәжілісінің төрағасы:
- Қазіргі біздің қоғамды журналистерсіз елестету мүмкін емес. Ұлтымызды ұйыстырудағы еңбектеріңіз де өте зор. Халық сіздердің жазған мақалаларыңызды, сюжеттеріңізді, еліміздегі және әлемдегі оқиғаларды сіздер арқылы барлығынан хабардар болып отырады. Әсіресе, Мемлекет басшысы Қасым-Жомарт Кемелұлының саяси-экономикалық реформаларын халыққа дұрыс түсіндіруде сіздер үлкен еңбек жасап жатырсыздар.
Copyrigth © http://halyknewskz.com Email: news77.kz@gmail.com
BACK TO TOP