АҚШ Президенті Дональд Трамп Ресейге жаңа санкция салу-салмау Президент Владимир Путиннің шешіміне байланысты деп мәлімдеді.

Өткен айдың соңында Ақ үй басшысы Мәскеуге Украинадағы қарулы қақтығысты тоқтатуға 10 күн уақыт берген еді. Сол мерзім бүгін аяқталуы тиіс. Сондай-ақ Трамп Владимир Путин онымен басқосуы алдында Владимир Зеленскиймен кездессін деген шарт қойғаны туралы хабарды жоққа шығарды. Кейінгі мәліметтерге қарағанда АҚШ пен Ресей басшыларының келіссөзі Біріккен Араб Әмірліктерінде өтуі мүмкін. Кеше Кремль басшысының көмекшісі Юрий Ушаков басқосу келесі аптаға жоспарланып отырғанын мәлімдеді.