Шамамен жарты сағаттан кейін Алматының Орталық стадионында көптен күткен футбол матчы басталады.

UEFA Чемпиондар лигасының үшінші іріктеу кезеңінде «Қайраты» Глазгоның «Селтигін» қабылдайды. Қазір стадион маңындағы көлік қозғалысы шектелген, жанкүйерлер орнына жайғасып жатыр. Аршын жанкүйерлердің көңіл-күйі қалай?

Орталық стадионның алдындағы көңіл-күй керемет. Ұрандатқан, атойлап дабыл қаққан жанкүйерлер футбол кешінің ажарын аша түсті. Бүгін «Қайраттың» жанкүйерлері үшін тарихи күн. Себебі Алматының төрінде алғаш рет Чемпиондар лигасының әнұраны шырқалады. Шамамен жарты сағаттан кейін көптен күткен қарымта әрі шешуші кездесу басталады.

Алғашқы кездесу 20 тамызда Глазгодағы «Селтик Паркте» 0:0 есебімен тең аяқталды. Бүгін Алатау баурайына өз клубын қолдауға келген шотландтықтар да аз емес. Олар да ойынның тартысты болатынына сенімді. Селтик жанкүйерлерінің де пікірін тыңдап көрелік.

Орталық стадионның айналасындағы көлік қозғалысы уақытша шектелген. Нақтырақ айтсақ, Абай даңғылы, Байтұрсынұлы, Мұқанов және Сәтпаев көшелерінің бір бөлігі жабық. Осы жердегі қоғамдық қауіпсіздікті қамтамасыз ету үшін 2000 сақшы жұмылдырылған.

Билеті бар жанкүйерлер стадионға жайғасып алды. Ал билет алып үлгермеген адамдар жерлестерімізге стадион сыртынан қолдау білдіреміз деп келіп жатыр. Бүгін «Қайрат» жеңетін болса, Чемпиондар лигасының топтық кезеңіне шығады.