Баланың буллингке ұшырағанын ата-аналар қалай біле алады? Буллинг белгілерін жіліктеп көрсек. Егер мектеп жасындағы бала еш себепсіз мектепке, үйірмеге барғысы келмесе, басы немесе іші ауыратынын айтып, сабақтан қалуға тырысса, оқуға немесе қатысатын үйірмесіне қызықпаса , заттары жиі жоғалып немесе тез сынып жатса –онда баламен сөйлесіп, мән-жайды анықтаған жөн.

Сондай-ақ баланың мінез-құлқында өзгерістер байқалса, яғни тұйық болса, үнсіз немесе мазасыздыққа ұшыраса, мектептегі хал-жағдайын өзінен сұрап білген жөн. Буллингке ұшыраған бала әдетте мектеп пен сыныптастары туралы әңгімеден қашуға тырысады. Мұндайда ата-анадар бірден дабыл қаққан жөн. Буллингтің белгілері:

· Еш себепсіз мектепке, үйірмеге барғысы келмейді

· Басы мен іші ауыратынын жиі айтады

· Сабаққа, үйірмеге қызығушылығы жоқ

· Заттары жоғалады немесе тез сынады

· Мінез-құлқының өзгеруі: тұйық, үнсіз, мазасыз, үркек, күдікшіл

* Мектеп және сыныптастары туралы әңгімеден қашады