Елімізде жалған құрылыс компанияларын анықтаудың жаңа тетігін іске қосу жоспарлануда.

Өнеркәсіп және құрылыс министрі Ерсайын Нағаспаевтың айтуынша, кей мердігер тек қағаз жүзінде жұмыс істеп келген. Тексерістен кейін көбінің өндірістік базасы, білікті кадрлары мен нақты құрылысқа қатысудағы тәжірибесі жоқ болып шықты. Осылайша жалған компаниялар мемлекеттік тапсырыстарға қатысып, нысан құрылысының сапасы мен қауіпсіздігіне қатер төндіреді.

Енді мұндайды болдырмас үшін лицензиаттардың электронды тізілімін құру көзделіп отыр. Мұнда барлық рұқсат қайта қаралып, компаниялардың заң талаптарына сәйкестігі автоматты түрде тексеріледі. Сәйкес келмейтіндері тізімге енбейді.