Бүгін Астанада сараптамалық бағытты дамытуға арналған Taldau форумының алғашқы отырысы өтті.

Іс-шараға Сенат төрағасы Мәулен Әшімбаев, халықаралық ұйым өкілдері, ғылыми қауымдастық мүшелері мен сарапшылар қатысты. Жиында Президент Жолдауында баса назар аударылған адами капиталды дамыту және елімізді цифрландыру мәселесі талқыланды. Сондай-ақ әлеуметтік желіде аудиториямен тиімді байланыс орнатып, тартымды контент жүргізудің жолдары айтылып, арнамыздың журналисттері көпшілік алдында сауатты сөйлеу бойынша тәжірибесімен бөлісті. Айта кеткен жөн, форум Taldau қоғамдық жобасының бес жылдығына орай ұйымдастырылып отыр. Осы уақыт аралығында Сенат жанындағы сарапшылар клубы қолға алған Талдау мектебі бүгінде барлық салада сапалы сараптамаға деген сұранысты қамтып, білікті мамандардың жаңа шоғырын қалыптастырып келеді.

Мәулен Әшімбаев, ҚР Парламенті Сенатының Төрағасы:

- Taldau Forum сарапшыларды, аналитиктерді, белсенді кәсіби мамандарды біріктіретін Taldau Community-дің бес жылдығына орай өткізілуде. Қазіргі таңда Президентіміз Қасым-Жомарт Кемелұлы Тоқаевтың бастамасымен елімізде маңызды және кешенді реформалар табысты іске асырылып келеді. Біз теңгерімді және демократиялық саяси жүйе қалыптастырып жатырмыз. Нарықтық экономиканы дамытуға, саяси және қоғамдық институттарды нығайтуға да баса мән беріліп отыр. Бүгінгі пікірталас Қазақстанның зияткерлік және сараптамалық әлеуетін арттыруға, еліміздегі реформалардың күн тәртібін тиімді іске асыруға өз үлесін қосады деп сенемін.

Ерлан Қалмақов, Taldau Community мүшесі: