Биылғы қыс Газа секторы үшін жығылғанға жұдырық болып тұр. Қазірдің өзінде 17 адамға суық өтіп, көз жұмған. Оның төртеуі – бала. Бұл туралы Газаның Денсаулық сақтау министрлігі мәлімдеді.

Аймақта күн күрт суытты. Оның үстіне желдің ызғары мен толассыз жауған жаңбыр жұрттың мазасын қашырды. Әсіресе лагердегі жұртқа қиын. Баспанадан айырылған жүздеген мың адам қазір жұқа шатырларды паналап отыр. Өңірде дәрі-дәрмек, жылы киім мен отын тапшы.