2025 жылғы 29 мамырдан бастап Шымкент — Сеул бағыты бойынша Кореяға жаңа бағыт ашылады. Бұл туралы Көлік министрлігіне сілтеме жасаған KAZ.NUR.KZ хабарлайды.

"Қазақстан Республикасының Көлік министрлігі рейстер географиясын кеңейту және қолданыстағы бағыттар бойынша рейстер санын арттыру бойынша тұрақты жұмыс жүргізіп жатыр.

2025 жылғы 29 мамырдан бастап қазақстандық SCAT әуе компаниясы Шымкент — Сеул бағыты бойынша Кореяға жаңа бағыт ашуды жоспарлап отыр.

Ұшулар аптасына екі рет (сейсенбі және жұма күндері) орындалады.

Қазақстан мен Корея арасындағы рейстердің жалпы саны аптасына 8-ден 10-ға дейін артады", — делінген хабарламада.

Әуе қатынасының ашылуы екі ел арасындағы сауда-экономикалық, іскерлік және туристік ынтымақтастықты одан әрі дамытуға ықпал етеді деп күтілуде.