Көрісу күнінде еліміздің құсбегілері де арқа-жарқа болып бір-бірімен көрісті, деп хабарлайды 24kz.

Арысы Атырау мен Арқадан, берісі Алтайдың баурайынан жиналған бүркітшілер Талдықорғанда бас қосты. Олар «Жетісу салбурыны-2025» республикалық турнирінде қыс бойы баптаған қырандарының бабы мен бағын сынап жатыр.

Шыңғыс Қалиден, тілші:

- Жетісу облысы құрылғалы алғаш рет өткізіліп отырған сайысқа еліміздің әр аймағынан 54 құсбегі келді. Жарысқа қатысып жатқандардың арасында Аяжан Даниярқызы да бар.

Сайыста саған сәттілік тілеймін. Құсбегілер бүркітті шырғаға салу және қолға шақыру арқылы өзара сынға түсіп жатыр. Ал қаршыға, ителгі баптағандар қолға шақыру, сосын көгершін аулау бойынша үздіктерін анықтайды. Сонымен қатар саятшылардың ұлттық нақыштағы киім үлгісі, қыранның күйі де бағаланады. Әдетте мұндай сайыста бүркіттер қоян мен түлкіге жіберілетін.

Сан ғасырлық тарихы бар бекзат өнерімізді насихаттап жүргенімізге көп рақмет. Саятшылар сайысы екі күнге жалғасады. Жеңімпаздар мен жүлдегерлерге ақшалай сыйақы табыс етіледі. Жалпы бұл жарысты Наурыз мерекесінің басы деуге болады. Бүгіннен бастап 22-сіне дейін өңірде ел бірлігін нығайтатын салт-дәстүрімізді дәріптейтін шаралар өтеді.