Адамның жұдырықтай жүрегі әр соққан сайын бойдағы қанды айналдырып, тіршілік нәрін себеді. Жүрек тынымсыз жұмыс істейді. Кідірмейді. Әр минутта 60-70 рет соғады. Бір қызығы әйелдердің жүрегі ер адамдарға қарағанда сәл кіші. Шамамен 20 пайызға кішкентай. Бірақ әйел жүрегі ерлерге қарағанда тезірек соғады. Ал дүниеге келген адам баласының қай-қайсының да жүрегінің қалыпты соғуы — оның денінің саулығы.