Желіде садақ атып, нысанаға бірден дәл тигізген әженің видеосы тарады, — деп хабарлайды Massaget .kz тілшісі.

Видеодағы әжейдің есімі – Ләззат. Ол 64 жаста, жолдасымен бірге Түркістанда шағын қонақүйді басқарады.

Оның айтуынша, балалық шағында жиі садақ атқан, бірақ ол нағыз жаттығу емес, тек ойын мақсатында болған.

"Садақты қайта қолға алғаныма шамамен бір ай болды. Бұл видеоны немерем түсірді. Екі балам бар: ұлым мен қызым, олардың өз отбасылары бар. Жолдасым екеуміз шағын қонақүйді басқарамыз, бізге шетелден, АҚШ пен Еуропадан саяхатшылар жиі келеді. Оларға Түркістан мен біздің мәдениетіміз қызық", – дейді ол.

Сонымен қатар, ол садақты өзі сатып алғанын және қазір жаттығып жүргенін айтты.

"Видеоны осыншалық көп адам көріп, қызығушылық танытады деп күтпедім. Әзірге бұл — тек хобби. Әрине, жарыстарға қатысқым келеді. Болашақта орындалады деп үміттенемін", – деді ол.

Қызықты жаңалықтар мен видеоларды көру үшін TikTok арнамызға жазылыңыз!