Бурабайдағы Мемлекет басышысының қатысуымен өткен Ұлттық құрылтайда бірқатар қордаланған мәселелер көтерілді, деп хабарлайды 24kz.

Алқалы жиында қызу талқыға түскен өзекті түйткілдердің бірі – қазақ тілі мен мәдениетін дамыту. Бұл мәселеге қатысты елорда тұрғындары да өз пікірлерін білдірді.

Блиц 1:

- Алаңдататын мәселе – қазіргі мектеп қабырғасында оқитын балалардың ортасы орысша болып барады. Бізде қазір жайлы мектеп, қазақи мектептер салынып жатыр. Бұның өзі әлі де аз сияқты.

Блиц 2:

- Тілді дамыту керек. Негізі менің өзімнің ойым екі қазақ орысша сөйлеп тұрса, соларға штраф салу керек. Сонда біздің қазақтың тілі дамитын шығар деп ойлаймын.

Блиц 3:

- Негізі тәрбиелейтін интернет пен телевизор ғой. Біз енді қазақша сөйлейміз. Өзіміз ауылда өстік. Бірақ балаларымыз орысша сөйлеп кетеді. Негізі біздің қазақ тілі өте күшті ғой. Қазақша кітаптар оқыса, қазақ тілінің байлығы деген керемет нәрсе ғой.

Блиц 4:

- Тіл мәселесі сәл ақсап тұр, әрине. Бірақ алғабасушылық бар. Әрине, бәрі өзімізге байланысты. Өзіміз сөйлесек, сөйлейді бәрі. Жан-жағымыға қарап үйретіп жүреміз.

Блиц 5:

- Ұлт, халық бірінші орында әрдайым. Мысалы, әлеуметтік желілерде қазақтың тіліне, ұлтына, адамдарына тіл тигізеді. Сондай нәрсені кішкене қысқарту керек деп ойлаймын.