18-21 наурыз аралығында Швейцарияның Энгадин шаһарында фристайл-могулдан әлем чемпионатының жалауы желбірейді, деп хабарлайды Egemen.kz.

Альпі тауы етегіндегі жарыста Қазақ елі намысын Юлия Галышева, Анастасия Городко, Юлия Феклистова, Павел Колмаков, Антон Бондарев, Фёдор Бугаков және Максим Емельянов қорғайды.

Бұл спортшылардың барлығы да аса ірі халықаралық жарыстарда жүлде алып жүрген мқытылар. Мәселен, Галышева – Олимпия ойындарының қола жүлдегері, әлем чемпионы және сол жарыстың үш дүркін жүлдегері. Колмаков – әлем чемпионатының қола жүлдегері, Дүниежүзілік Универсиаданың жеңімпазы. Городко – әлем чемпионатының қола жүлдегері, Дүниежүзілік Универсиаданың екі дүркін жеңімпазы. Міне, Швейцарияда негізгі үміт осы үш фристайлшыға артылып отыр.