Ыстамбұлда қала мэрі Экрем Имамоглу ұсталды, ол - Түркия президенті Режеп Ердоғанға қарсы оппозиция өкілі, — деп хабарлайды Massaget .kz тілшісі.
Ыстамбұл мэрі мен оның серіктестері 19 наурызда ұсталды. Олар 4 күн қамауда болады. Экрем Имамоглу сыбайлас жемқорлыққа, пара алуға қатысы бар деген айыппен ұсталды.
Ыстамбұл прокуратурасы 106 күдіктіні, соның ішінде Экрем Имамоглуды ұстауға санкция берді. Прокуратура мәліметінше, муниципалдық сайлау аясында Экрем Имамоглу бастаған Ыстамбұл қалалық әкімшілігі террористік топпен байланысты "Халықтар конгресі" ұйымымен (HDK) одақтасқан болуы мүмкін.
Қала мэрі мен оның серіктестері ұсталғаннан кейін Ыстамбұлда жаппай тәртіпсіздіктердің алдын алу үшін наразылық акцияларына 4 күнге тыйым салынды. Қалада көлік қозғалысы мен кейбір метро желілерінің жұмысы шектелді.
Жалпы елде бірнеше әлеуметтік желі, соның ішінде Х, YouTube, TikTok және Instagram шектелді.
Шенділерді қамауға алу және шектеулер енгізуге байланысты түрік лирасы бағамы күрт құлап кетті, Ыстамбұл қор биржасы индексі де төмендеді.
Артынша қалада наразылықтар басталды. Полиция шеруге қатысушыларға қарсы күш қолданды.
istanbul üniversitesi öğrencileri ne yapılması gerektiğine dair ders veriyor pic.twitter.com/S2eHrDS0hc
— fırat (@firatfstk) March 19, 2025
Copyrigth © http://halyknewskz.com Email: news77.kz@gmail.com
BACK TO TOP
