Анастасия Городко фристайлдан әлем чемпионатының қола жүлдесін жеңіп алды, деп хабарлайды Туризм және спорт министрлігіне сілтеме жасаған KAZ.NUR.KZ.

Фристайл-могулдан ұлттық құрама спортшысы Анастасия Городко Швейцарияның Санкт-Мориц қаласында өтіп жатқан фристайлдан әлем чемпионатында үздік үштікті түйіндеді.

Анастасия параллель-могул сайысындағы кіші финалда АҚШ спортшысынан басым түсіп, қола медальға ие болды.

Айта кетейік, бұған дейін Анастасия Городко Канаданың Вал-Сент-Ком курортында өткен әлем кубогы кезеңінде күміс жүлдегер атанған еді.