Сонымен қатар, шұбат өндірісінің көлемі төмендегені байқалады.

Наурыз мерекесі қарсаңында Ұлттық статистика бюросы қымыз өндірісінің 2025 жылдың қаңтар-ақпан айларында өткен жылдың осы кезеңімен салыстырғанда 7,2%-ға өскенін мәлімдеді, деп хабарлайды Caravan.kz медиа порталы.

Жалпы, 178 тонна қымыз өндірілген, бұл 2024 жылмен салыстырғанда 12 тоннаға артық.

Сонымен қатар, шұбат өндірісінің көлемі төмендегені байқалады. 2025 жылдың алғашқы екі айында 184 тонна шұбат өндірілген, бұл өткен жылмен салыстырғанда 5 тоннаға аз немесе 2,8%-ға төмен.

Соңғы екі жылдағы динамикаға қарасақ, 2023 жылы қымыз өндірісі 1812 тоннаны құраса, 2024 жылы 1541 тонна болған. Ал шұбат өндірісі керісінше өскен: 2023 жылы 1813 тоннадан 2024 жылы 1865 тоннаға жеткен.