Алдағы күндері Қазақстанға келетін антициклон әсерінен кей өңірлерде күн қатты суытады. Оңтүстікте жаңбыр мен қар жауады деп күтіледі, деп хабарлайды KAZ.NUR.KZ "Қазгидромет"-ке сілтеме жасап.

Синоптиктердің болжамына сәйкес, алдағы күндері Қазақстанның басым бөлігінде күн райын антициклон айқындайтын болады, сол себепті жауын-шашын болмайды деп күтіледі.

Тек республиканың оңтүстігіне, оңтүстік-шығысына циклон әсер етіп, жаңбыр мен қар түрінде жауын-шашын түседі деп болжанып отыр. Кей аудандарда тұман мен жел күшейеді.

Ал ауа температурасы елдің батысында түнде — 5 градус пен + 5 градус арасында, күндіз 10-18 градус жылы болады деген болжам бар.

Солтүстік-батыста түнде 0-10 градус аяз, күндіз 7-15 градус жылы болады деп күтіледі.

Синоптиктер солтүстікте ауа температурасы түнде 0-10 градус аяз, күндіз 5-13 жылы болады деп болжап отыр.

Елдің орталығында түнде термометр бағаны 2-14 градус аяз бен 7-1 градус жылылықты көрсетеді, күндіз 5-10 градус жылы, кей жерде 10-15 градусқа дейін көтерілуі ықтимал.

Шығыста түнгі температура 5-25 градустан 0-15 градусқа дейін, күндіз 0-10 градустан 5-15 градусқа дейін көтеріледі.

Оңтүстік аймақтарда түнде температура — 5 градус пен + 5 градус аралығында болса, күндіз 5-13 градус жылы болады деп күтіледі.