Елімізде ипотеканың жылдық мөлшерлемесі 25%-дан 20%-ға төмендеуі мүмкін. Бұл бастама тұрғындардың баспана алу мүмкіндігін кеңейтуге бағытталған. Қаржы нарығын реттеу агенттігі мен Ұлттық банк тиісті қаулы жобасын қоғамдық талқылауға шығарды, деп хабарлайды Egemen.kz.

Ұсыныстар мен пікірлер 26 наурызға дейін қабылданады. Құжат ресми жарияланған күнінен бастап он күннен кейін күшіне енеді.

Сонымен қатар 17 наурыздан бастап жаңа «Наурыз жұмыскер» ипотекалық бағдарламасы іске қосылады. Бағдарлама өндіріс саласында жұмыс істейтін азаматтарға арналған.

Бағдарламаға қатысатын үміткерлер жұмыс орнын растайтын анықтаманы ұсынуы керек, сондай-ақ банк қызметкерлерінің үміткердің БСН-ін және ұйым қызмет саласын тексеруі қажет.

Кеңсе қызметкерлері бұл ипотекалық бағдарламаға қатыса алмайды.