Таразда қалалық саябақтың маңынан өтіп бара жатқан адамдар денесінде зорлық-зомбылық белгілері бар ер адамның мәйітін тапты , — деп хабарлайды Massaget.kz тілшісі.

Жұмысқа бара жатқан азаматтар ағаш түбінде жатқан ер адамның денесін байқаған. Жақыннан қарағанда оның басы қатты жарақаттанғаны анықталған.

Жамбыл облысы Полиция департаменті мәліметінше, бұл дерекке қатысты "Адам өлтіру" бабы бойынша қылмыстық іс қозғалған. Марқұмның жеке басы анықталған.

"Қазір күдіктіні анықтау және ұстау үшін жедел іздестіру іс-шаралары жүргізіліп жатыр", – деді ведомство өкілі.

Кейін әлеуметтік желілерде марқұм құқық қорғау органдарының бұрынғы қызметкері болуы мүмкін деген ақпарат тарады. Алайда полиция бұл ақпаратқа пікір білдірген жоқ.

Қызықты жаңалықтар мен видеоларды көру үшін TikTok арнамызға жазылыңыз!