Алматының Медеу ауданында 13 заңсыз дүңгіршек сүрілді, — деп хабарлайды Massaget.kz тілшісі қала әкімдігінің баспасөз қызметіне сілтеме жасап.

2025 жылы 20-27 қаңтар аралығында 13 сауда нүктесінің иесіне нысандарды өз еркімен бұзу қажеттігі туралы хабарламалар жіберілді. Соның нәтижесінде олардың 9-ын өздері, ал қалған 4 нысан әкімдіктің араласуымен сүрілді.

"6 күрделі құрылыс нысанына қатысты әрі қарайғы шараларды қабылдау үшін мемлекеттік органдарға өтініш жіберілді", — делінген хабарламада.

4 ақпаннан бастап қала бойынша 300-ден астам СЕСН мен 222 ойын аппараты жойылды. 32 капиталды нысанға қатысты сотқа талап-арыз жолданғаны айтылды.

Аптаның басты оқиғалары мен пайдалы видеоларды көру үшін YouTube арнамызға жазылыңыз