Қазақстан азаматтарының жеке дерегін сатқан 140 адам ұсталды. Күдіктілер мәліметтерді мемлекеттік базадан заңсыз алып отырған. Сондай-ақ оны телеграмм арқылы коллекторлық компанияларға саудалаған. Бұл туралы Ішкі істер министрлігінің өкілдері мәлімдеді.

Қылмыстық топтың 5 мүшесі қазір қамауға алынған. Оларды тінту кезінде 400-ден астам компьютер мен басқа да электронды құрылғылар тәркіленді. Оқиғаға қатысы бар тұлғалардың толық тобын анықтау жұмыстары жалғасып жатыр, деді құзырлы орган өкілі.

Жандос Сүйінбай, ҚР ІІМ Киберқылмысқа қарсы іс-қимыл департаментінің бастығы:

Қылмыстық Кодекстің 205 бабы 3-бөлігі — ақпараттық жүйеге заңсыз қолжеткізу, 147 бабы 5-бөлігі — жеке өмірге қол сұғу және жеке деректер туралы заңнаманы бұзу, сондай-ақ 201 бабы 3-бөлігі — шектеулі электрондық ақпараттық ресурстарды заңсыз тарату бойынша қылмыстық істер қозғалды.

Асылбек Данияр