Лондонда әлемнің екі алпауыт экономикасы – АҚШ пен Қытай арасында келіссөздің екінші кезеңінің бірінші күні өтті.

Алғашқы кездесу 6,5 сағатқа созылды, деп хабарлайды inbusiness.kz сайты The Guardian-ге сілтеме жасап.

Әңгіме тарифтер, сирек металдар мен озық технологияларға экспорт шектеулерін алу аясында өрбіді. Қытай тарапын осы елдің вице-премьері Хэ Лифэн бастап барды. Ал, америкалық делегация құрамында АҚШ қаржы министрі Скотт Бессент, сауда министрі Говард Лютник пен сауда өкілі Джеймисон Грир бар.

"Блумбергтің" хабарлауынша, кеше Лондонда басталған келіссөздер бүгін де жалғасады.

Тараптар содан кейін арнайы мәлімдеме жасамақ. Әзірге нақты қандай келісімдерге қол жеткізілгенін жарияламады.