Қытайдың Гуйчжоу провинциясында тасқын жүріп, 6 адам ажал құшты .

"Ассошиэйтед престің" хабарлауынша, 80 мың тұрғын қауіпсіз жерге көшірілген. Жуцзянь уезіндегі Дулю өзені тасып, су деңгейі қалыпты шектен 11 метрге көтерілді. Жергілікті ақпарат құралдары аймақта мұндай алапат тасқын бұрын-соңды болған емес дейді. Ондаған қала мен жүздеген ауылды су шайып кетті. Инфрақұрылым қирап, жолдар жабылып, кейбір ауданда байланыс үзілген. Құтқару жұмысы жалғасуда.