Астанада футболдан 8-9 жастағы балалар арасындағы республикалық турнир өтті, деп хабарлайды 24kz.

Бұл жас деңгейінің таңдалуы бекер емес. Дәл осы кезде балалар үлкен спортқа алғашқы қадамдарын жасап, футболшы ретінде қалыптаса бастайды.

«Осы тұрғыда көбірек ойын уақытын беріп, шеберлігін шыңдау аса маңызды», — дейді мамандар. Балалар арасындағы жарысқа елдің түкпір-түкпірінен 16 команда жиналды. Олар 4 күн бойы өзара мықтыны анықтады. Нәтижесінде Тараздан келген өрендер жеңімпаз атанды. Екінші орында павлодардық команда болса, Астанадағы №8 спорт мектебінің шәкірттері үздік үштікті түйіндеді